कामाख्या

नानर्थकेति। उत्तरखण्डएवेति। अत एवास्तेर्द्वित्वे परस्य भूभावे पूर्वस्य श्रवणं प्राप्नोतीति भाष्यं संगच्छते। फलानामन्यथेति। तस्य तु वेत्येव सिद्धेऽन्त्यस्य तु वेति करणादव्यक्तानुकरणस्येत्यत्रालोन्त्यपरिभाषाऽप्रवृत्तिज्ञानात्। 'हलि लोप' इत्यादौ 'अनाप्यक' इत्यतोऽन्पदमनुवर्त्य षष्ठ्या विपरिणामेनेदं सम्बन्धिनोऽनोऽन्त्यनकारस्यैव लोपे, पररूपे, दीर्घे च आभ्यामिति सिद्धमित्यादिनेति बोध्यम्। अत्र च ज्ञापकम् 'आम्रेडितस्यवे'ति न्यासेनैव सिद्धौ 'नाम्रेडितस्यान्त्यस्य तु वे'ति सूत्रमेव। अनभ्यासविकार इत्यंशे 'अर्तिपिपर्त्योश्चे'ति निर्देशो ज्ञापक इति बोध्यः॥१०५॥

नास्ति।